وسعتِ تحریر میں صحرا سی پہنائی نہ تھی

وسعتِ تحریر میں صحرا سی پہنائی نہ تھی
جتنی ہم سمجھے تھے غم میں اُتنی گہرائی نہ تھی
آنکھ میری بھی اگرچہ کم تماشائی نہ تھی
کچھ بیاں کرنے کو لیکن تابِ گویائی نہ تھی
چارہ گر مانا دواے زخمِ تنہائی نہ تھی
دیکھ لینے میں مریضوں کو تو رسوائی نہ تھی
اک ہمارا دل تھا جس کے پاس دانائی نہ تھی
سیلِ غم تھا اور خوے بادہ پیمائی نہ تھی
وائے مایوسی براے دیدہ ہاے موسوی
ذوقِ نظارہ تھا لیکن کوئی بینائی نہ تھی
حلف پھر اُس نے اُٹھایا داد رس ہونے کا حیف
جس کے ایوانوں میں فاتحؔ میری شنوائی نہ تھی

اس بلاگ سے مقبول پوسٹس

عشق کا دور نہ تھا

عشق کا دور نہ تھا عرصۂ نادانی تھا کوئی طوفان نہ تھا آنکھ کا ہی پانی تھا جس کو سجدے کیے پوجا کیے معبود کیا بت خدا وہ نہیں تھا پیکرِ انسانی تھا شوق سے کوہ کو ہم کاٹنے چل نکلے تھے کٹ گئے آپ ہی یہ منظرِ حیرانی تھا کسب جو کچھ بھی کیا لفظی و مکتوبی تھا عرض جو کچھ بھی کیا ذوقی و وجدانی تھا چشمِ ظاہر نے دکھایا تھا جسے با معنی چشمِ باطن نے بتایا کہ وہ بے معنی تھا شہرِ لاہور کا گم نام سا شاعر تھا منیبؔ انوریؔ تھا نہ کوئی سعدیؔ و خاقانیؔ تھا
مزید پڑھیں

آشناے غم پایا رازدانِ دل پایا

آشناے غم پایا رازدانِ دل پایا آج پھر محبت کو پاسبانِ دل پایا شوخ رنگ چہروں کو ساکنانِ دل پایا چشم ہاے روشن کو قاتلانِ دل پایا اہتمامِ ہستی کو امتحانِ دل پایا اور سخت مشکل میں کاروانِ دل پایا تیری انجمن کے بعد اپنی خلوتیں دیکھیں اور پھر خموشی کو قدردانِ دل پایا مل گیا جوابِ خط غم سے دوستی پائی تیری سرد مہری کو میہمانِ دل پایا بس کہ برملا کہیے اہلِ حسنِ ظاہر کو آج تک اگر فاتحؔ صاحبانِ دل پایا
مزید پڑھیں